Pašćimalo Balkani si jekh taro šerutno regioni kote so kerel komunikacia o Centari bašo arakhiba bukjarne avrial tari Germania akcentirinel o “Deutsche Welle”
Akava ilustririnela o Virtalno centro bašo šukar avilen an o germansko Centralno Agencia an i komunikacia internacionalno bukjarne thaj ekspertoa (ZAV) an o Bonn sar klasično call-centro kote an o mesale, hulavde paravanencar bešena murša thaj džuvlja , ko šero si len aparatia šunibaske thaj mikrofonia, thaj anglal olende isi kompjuteria. An i germansko thaj anglikani čhib, trubul thaj an o romansko, albansko jali aver čhibja keren pe realizacia an o telefonsko komunikacia.
Akava berš an o odova Centro sine kerde upreder 175.000 telefonsko akharina taro diferentno thema.
Akcentirinela pe kote i telefonsko centrala si jekh kote si o “ZAV” aktivno so kerel buti e Germansko agenciaja baši buti.
Prekal elektronsko pošta resle 32.200 pučiba, thaj 4.000 manuša kergje kontakto e Centarea taro internet portalo, sar hramosardi konverzacia so kergje pe an o realno vakti.
O „DW“ akcentirinela kaj akana i Germania rodela aktivno kvalificirimi bukjarno populacia an o pervazia e EU, thaj avrial olatar. Rodimo regioni si o Paščimalo Balkani. Majbut rodena pe inžineria, sar egzamplo makinakere mehanika thaj kompjutersko ekspertia” vakerel o Karsten Klajn membor an o „ZAV“.
Trujal odova isi baro rodaripa thja medicinsko personalo.
Link: http://denar.mk/130177/ekonomija/germanija-aktivno-bara-rabotnici-na-balkanot
