Ko avdisutno dive 08. dekemvri angleder 50 berša palal i inicijativa taro nekobor Romane aktivistora an i Bari Britania formiringja pe o pendžarutno Romano Konsilo – Gypsy Consil, so lel i obligacia prekal organizirime aktiviteto te keren o Roma thaj Travelles ko odova kotor an i Europa.
Palo buteder kerde aktivitetia so arkahel pe sine an o pharipa taro britaniakoro sasoitnipa ola si jekh taro inicijatoria e ikeribaske o Jekhto Romano Kongreso an o 8-to Aprilo 1971 berš an o London kana si čhivdi i funda tari avdisutni Internacionalno Romani Unia – IRU.
Maškar inicijatoria sine thaj olengoro membro o rajo Grattan Puxon kote an o Jekhto Romano Kongreso si notirime sar Jekhto generalno sekretaro. Palo odova avilo panda majbaro aktiviteto taro Romano Konsilo an o arkahbvia sa okova so si an konekcia thaj tema : Roma thaj Travelles an i Bari Britania thaj buvleste.
Sa o membria na o RS keren aktiviteto thaj kergje buteder aktivitetia , mitingia, konferencie, protestoa thaj aver thaj bičhaven piro zoralo mesažo!
Ko jekh trubukl te notirinel pe kote o RS si ko jekh kotor taro IRU so anen panda majbaro aktiviteto thaj buvli demokratia.
Jekh taro prioritetno akanutne aktivitetia thaj iniciative o Romano Konsilo kerel aktiviteto baši realizacia an o IRU si i Demkrtasko Tranzicia. O inicjatori si o Grattan Puxon thaj oleskoro timo so keren buti an i modifikacia bašo majsukcesialo implementacia e Demokrtasko Tranziciake.
Odoleske o IRU ikerel akava momenti thaj e Romane Konsiloske tari Britania thaj savore olengere aktivitostenge thaj mamberia bahtarao o jubileo 50 berša thaj manga olenge panda but asavke jubileia thaj sukceso an o olengere aktivitetia thaj plania.
