O legarutno so sine prependžarutno pire asajbaja thaj lačho ilo, manuš kaskere artiklencar barile but generacie an o avgo berša taro biathinalipa e Makedonijake o baro Redžep Pampur mulo javinate ko plo kher ko suno. O Pampur angleder šov berpa sine le phari trafikoskiri bibaht pire motorea. taro odova momenti nakhlja lungo proceso taro sasljariba thaj rehabilitacia.
Pali i bibaht i Pampur na iklijovela sine an o medie thaj majbut sine ple majpaše amalencar thaj familijaja. Po desavo drom ka hramosarel sine khanik an o socialno netvorko kote but droma anglohavljarela sine kaj ka iranel pe palem an i televizia thaj an o radio kana ka šaj te tergjol an o pre. I publika džanela le sine sar radiolegarutno thaj oleskoro baro numero kerde ankete ko 90-to berša so džana sine an i legendarno emisia “Pulsiranje”.
Sako drom džanel sine te khelel pe thaj but droma pire lčucidno pučibaja resel sine te astarel len ko namangli pozicia e sogovornikon. O makedonsko dizutne sine o persone kasaja majbut kerel sine komunikacia thaj odoleske sine but manglo tari odoja publika. Ov sine manglo thaj ko manuša tari makedonikani estrada thaj ki pli žurnalistengiri fela.
Jekh taro ankete so o Pampur kerel sine lačhe momentia e makedonsko dizutnenge:
