O programa si bašo 1.200 sikle kote olatar ka oven astarde 700 Romane sikle. Aso o lafia tari Manuela Radeva direktori an o Centari edukaciakere integraciake e čhavenge thaj siklenge taro etnikane jekhina thaj o sasto finasiko budžeti si akale proekteske taro 561.400 eura kote e Romenge siklenge ka den pe 343.320 eura taro Romano edukaciakoro Fondi – REF a o aver 40% dela len o Ministeriumi baši edukacia thaj uka tari Bugaria.
O sukceso so trubul te ovel e Romane siklen si upreder 3.5. Odola love ka hulaven pe e romane siklenge so sukcesiale agorkerena o 8-to. 9-to. 10-to, 11-to thaj 12-to klasi thaj mentoria -pedagogia so ka den suporto an i edukacia e siklenge.
“I resarin si te del pe stumuli ko majbaro sukceso an i edukacia ko Romane sikle”# vakerel i Radeva.
Aver rigatar o jeria taro avera sikle sikaven pli holi baši akaja politika kotera so olende na kerel jekh a jekh tretmano sa e siklenge an i Bugaria.
