Ka agorkerel o prastajbe sakone dromarutneske maškar o dizjakoro busi a sako dromarutno nane te dikhel si li odova themakoro jali provatno busi. Taro 1 januari o privatno da busia ka konektirinen pe ko elektronsko sistemi pukjibasje taro JSP. O dizutne jekhe moldiake ka šaj te transportirinen pe ko busia eleketronsko karticaja “Skopska”. Taro nevo berš sa o elektronsko kartice Skopska , bizi diferenca si li personalizirimi jali na, sa ola ka šaj istemalkeren o benefitia taro JSP thaj privatno transporteria. Odova sikavel kote nane te bikinen pe pobuter kukake biletia si li odola taro JSP jali privatno transporteria sar so si “Sloboden prevoz” thaj “Mak ekspres” numa ka istemalkeren o elektronsko kartice, jali dži kote nane len ka šaj pukjinen prekal mobilno telefoni vakergja o direktori taro JSP Skopje Igor Janušev.
Neve sistemea taro pukjiba ka zorjakerel o palni transporteske ko athinalipa taro so trubul e dizutnenge kote ka lačharel pe o kvaliteti thaj o siguriteti an o trafiko.
Prekal GPS ka dikhel pe i traektoria vakti kana chidel thaj kana resel ki agorutni destinacia. O Kartice ka den pe ko 8 punktia an i diz kote ko odova momenti ka keren tumenge fotografia thaj nekobor minutenge ka resen dži ko elektronsko bileti so si 200 denaria. I napersonalizirimi elektronsko bileto ka šaj te kinen pe ko jekh taro 25 biletare taro JSP thaj ko upreder 60 master dileria.
