O akti taro nevikeriba e dokumentaciake ko niami socialno love thaj čhavengiri protektiva bašo 2016 berš, ko than taro kontinuirimo termini ko berš masek-noemvri , akava berš sebepi o alusariba thaj aktivitetia ka starujneel taro 19.12.2016 berš thaj ka ovel sa dži ko 27.01.2016 berš informiringja i ministerka baši sociala Frosina Taševska -Remenski.
„Amen thaj savore aver džanaja kote majbaro numero taro deviacie thaj manipulacie akale personencar taro socialno riziko thaj okola so len socialno keren pe ko periodi thaj ko vakti taro alusaribaskoro procesi thaj periodo”, vakergja i ministerka baši Frosina Taševska -Remenski.
Oj poentiringja kote sebepi protektiva e dizutnenge thaj olengere hakoa tari sako forma hohavno deiba lafia, daravipa , ucena, partisko agitacia notirinel pe kote o nevikeriba e dokumentenge majšukar si te kerel pe palo agor e alusaribaskere proceseske an o dekemvri ko dendo roko.
Ko odova momenti oj akhargja e manušen so len socialno ma te khelen pe oleneger niamencar thaj dengja lafi kote našti khelel pe olengere niamencar ni jekh politikani mangin jali lakoro preperutno.
„Aso akaja andi decizia dengjem 15 hramosarde opomene dži ko direktoria ko Centria socialno bukjenge thaj buteder verbalno notiringjem dži ko bukjarne ko centria , soske si evidentirime pobuteder upreanavkerde namukhle aktivitetia an o kotor taro: khediba dokumentacia bapi nega aver personake, deiba lafi jekhdromengiri lovengiri arka, istemalkeriba personalno informacie baši socialno arka ko partisko interes, partisko aktiviteti ko bukjarno vakti thaj teleperaven o periodi nasvalipaske kana si an i buti. Baši sako evdientirimi telepravin šaj odova notirinen ko sa o bukjarne te šaj len konsekvnce” vakergja i ministerka baši sociala Frosina Taševska -Remenski.
