E franciakoro presidenti Fransoa Oland avdive zojrakergja i rolja pire themake ko nacistikano terori e “nomadenge” (čergarenge) so sine phanle an o nacistikane konc logoria ko vakti taro Dujto lumiakoro maripa.
E franciakoro kolaboranistikano režimo taro Višejevski so dengaj suporto an i deportacia taro Jaudie ko logoria meribaske thaj bičhaviba e Romen thaj nomadia ko konc logoria.
O eks franciakoro presidento Žak Širak athingja i negativno rolja e Franciake ko Holokausti.
-I Republika pendžargja akava terori e nomedencar so sine internirime thaj del athinalipa kaj o džovaplipa si baro.
I them si panda pobari kana athinela ki pli historia thaj kerel than sa pe dizutnenge – vakergja o Oland bašo neaknutne konc logoria an i paščimali Francia.
I francia ki historia sine kher šel mile nomadenge (čergaria) so džana sine tari diz ki diz thaj si Franciakere themutne. Ola peste dikhena diferentno taro Roma so an i Francia rele palo odova tari Romania thaj Bugaria so ko jekh palem arkhen pe diskriminaciaja.
