I muli Romani džuvli niko na mangel sine te parunel la bizo love. Ko agor i komuna Kostolac, pelo lenge žal thaj parungje e Dušica numa bizo ppop, thaj aver ceremonie. Bibaht. So kergja oj e devleske?.
Sar muli o Dragič na hala maro. Angleder te piel jekh tahtaj thud, majanglal čhorel ki phuv sar nišani kote so dela pe mule phenjake, soske muli bizo adetia thaj thardi momoli.
I Srbia ko 21 veko, a o kher kote so dživdinena si sar taro horo filmia, soske te manglen te khuven andre ko kher, valjani tumenge rukavice thaj maska.
O Dragič suportoa tari oleskiri komšika Biserka khuvgje ko kher kote so sine pašli i muli phen. Ov ni dikhel, ni šinel, thaj but hari kerel lafi.
– Akate mi phen i Dušica pašljola sine. Oj mangel sine te dikhel televizia. Akte da muli – rojbaja vakerel o Dragič sikavibaja o kreveti kote so pašljola sine kote isi pnada melalipa taro rata. Ov kerel lafi a o makhja ujrana upral leskoro muj. Kerel lafi ama našti havel le manuš. I Biserka vekrela so ulo,
-Čače sine daravute. I Dušica šov dive pašljola sine muli. O Dragič si phuro, thaj but nasvalo. Oj kana muli olakoro phral odova havgja le palo 4 divesa – vakerle i Biserka.
Sar so vakerela, akhargje Policia thaj doktoria.
– Ale, dikhle kaj si muli numa olakoro trupo ačhilo khere, Sasti sine kali thaj kirni. O kreveti sine ratvalo. Ikavgje la palo duj divesa e čaršafea kote so pašljola sine, em parungje le bizo popo thaj bizi familia – vakerle i Biserka thaj akcentirinela kaj i Dušica muli ko sojba.
