Ki ginekologia an o Brčko , BiH zojrakerena kaj kerel pe lafi baši 13 beršengiri čhaj, thaj akana si rodaripa si li akaja terni čhaj si bikimi?
O doktoria vakergje kaj kergje carski rez, o bianipa sine sukcesialo thaj o bebe si pharo 2.7 kg. Akale akteski isi informacia dži ko Kriso an o Brčko te dikhen i sasti čipota si li krisoskoro akti. Ki romani mahala Straževac ko drom Kozara br.71 an i Modriča si o kher taro Sabir thaj Kada Ferhatović. Ko baro čorolipa barile 15 čhave. I Kada vakerel kaj bijangja pe lake o 14 unuko thaj si bahtali.
-Rovav sine tari baht kana biandilo akava 14-to unuko oj isi la 13 berša. Oj si prandimi bašo Šerif Sulić thaj geli ko Brčko. Kobro berš isi le nadžanav numa džanav kaj si but phureder olatar.
Numa akana kerel pe lafi thaj informacia kaj i 13 beršengiri čhaj ki familia Ferhatovič si bikimi – prandimi lovenge kaske lele 2.000 marke (1.000 eura).
-Odova si hohavipa. Si manuša so džanen kaj na bikingjum me čhija. Sa me komšie šaj odova vakerena., vakerela i Ferhatovič.
Taro centari socialno bukjengje vakeren kaj šungje akaleske ki familia Ferhatovič thaj notirinen kaj o kanoni si klar kote ki prandin šaj te khuven salde pherde 16 berša čhaj thaj te ovel dendo dekreto taro jeria a odoleske te džanel i polica, o centari thaj o doktoria. Akale akteske neko trubul te legarel džovaplipa. Asavke akteske šaj te ovel phanlipa taro jekh dži ko 8 berša.
