Jekh buti trubul te džanel pe. O Rom taro sako drom sine peske Rom. I terminologia 2Cigan” sar vorba (anavjori) nikana na sine la an i romani čhib sar komunikacia taro Roma, kerel pe li lafi vash korkoroidentifikacia, jali odoja forma avere Romeske.
Trubul te vakerel pe kote i anavjori “Cigan” lungo vakti sine notirime kana vakerel pe o anava kalae naciake taro okola so si naRoma, thaj reslja sar anavjori taro pežaorativno forma. Aso o rodaripa panda majanglune vakteske tari Vizantia diferentno vakeren sine e Romenge sar so si cigani,tzigane, zincali, cigány thaj aver, avena tari grčko forma e lafeske ατσίγγανοι (an o latinski : adsincani), kote ko periodi taro Vizantiakoro thagaripa istemalkerel pe sine thaj notirinen pe sine o Roma , jali alternativno taro grčko forma lafi αθίγγανοι (- naastardo, okole so na troman te astaren ole), so si an i konekcia e 900 beršengiri eretičko sekta so sine krisimi kaj keren butio magiencar thaj dikhiba ko vasta
–
An i anglikani čhib e Romenge istemalkerel pe anaveskiri forma “Gypsy”, kote pakjala pe kaj si ikavdo taro lafi “Egipet” sebepi o nekanutno pakjajbe kaj o Roma si taro Egipet.
Formulacia e Romenge ko aver čhibja , a ikavdi tari terminologia”Cigan# si: (Francusko: Tsigane ) Češko: Cikáni, Germansko/Holandsko- Zigeuner, Dansko – Sigøjner , Litvania – Čigonai , Rusko – Цыгане , Hungarsko – Cigány, Grčko – Τσιγγάνοι , Italijansko – Zingari, Romansko – ţigani , Polsko – Cyganie , Portugalsko – Cigano, Špansko- Gitano Thaj an i Turkia – Çingene.
Tari anglikani modulacia e formake “Gypsy” ikljol thaj anavkerel pe e Romen sar Egipetsko modulacia sar egzamplo an i Makedoniakiri čhib – Egjupci jali Gjupci, Albanikane – – Maxhup, dži kote ko desave aver thema an i lumia istemalkeren o terminia sat so si an o Iran – کولی (“Kauli”), thaj aver.
Akava si sa okolenge so dži akana na džangje (si li ola Roma jali si naRoma) thaj savore okola so an i forma “Cigan”, ” Ciganče”, “Cigo” si olenge but romantično jali egzotično thaj mistično Nadžanav kobor tumenge ka ovel romantično, lačhe, drago, egzotično kana ka identifikujnen tumen asavke formencar sar so si – melalo, minjoritetno, naastardo – untouchable!
O Devel tumencar!
