I Sofka Vasiljković si pendžardo romanio aktivisti , penzioneri so dživdinela ko Šabac. Oj si unuka e pendžarde šuže Romanja i Sofka, liko taro pendžardo lil taro Bora Stanković ” Naužo rat”
Oj peske vakerela: ” Me sium bahtali so legarav o anava Sofka. I Sofka si sar emisari e kulturake, numa na salde romane, numa thaj srpsko a odova si miri baba. Pj sine pendžarutni giljavutni kote ko maškar o duj maripa giljavel sine thaj an o Berlin, Praga, Viena, Njujork thaj Paris.
Oj si Romani so legargja i titula majšundi giljavutni kote reslja te ovel la tiraži bikime ploče sar so sine e legendarno Rico Karuzo so sine le bikime 100.000 ploče.
Me sako drom kana sine ma šajdipa dava sine omaž baši i persona me babakiri . Oj lungo berša dživdinela sine an i Bjelina, kote avdive olakoro anav legarel thaj jekh drumo odothe, so kerel ma panda majbahtali so sium Romani.
Me sium Romani biami ko Tabanovce, gav trujal o Šabac. But sim bahtali me romane darhienge thaj me familiake, me dadeske e Vosilaveske, mi daj i Vera thaj me phralja o Siniša thaj o Stevo. Ola kergje te ovav odoja so sium avdive.
Kana ka dikhav man vakerava kote salde mi edukacia sine faktori so ikljiljum tari romani mahala. Uljum themakoro admonistrativco, thaj akana ake duj berša sar reljum i penzia sar themakoro bukjarno si si but importantno sakoske, thaj amare Romenge.
Me da sar sako aver Rom si man problemia diskriminaciaja , numa akana sium majzorali thaj džanav sar te marav man mujal i diskriminacia. Me čhavenge vakergjum kote salde edukaciaja šaj te maren pe mujal i diskriminacia, vakerel i Sofka Vasiljkovič.
