An i republika Makedonia aso i statistika taro 2002 berš isi 53 879 preperutne an i Romani populacia so si 2,66% tari sasti populacia. Aso aver kerde studie so si an i baza taro diferentno rodipaskere tehnike sikavel pe sar realno numero taro Roma si majbut thaj an i Makedonia isi paše 80 000 dži ko135 000 Roma.
O Roma si marginalizirimi grupa ko buteder aspektia taro sasto thaj socialno dživdipa so preperel thaj i inkluzia dži ko sastipaskere protektive thaj oleskoro kvaliteti.
I situacia e Romencar an i republika Makedonia karajterizirinel pe akale situaciencar: učo nivelo čorolipa, bizi butu, marginalizirime thaj čorole mahale, supstandardno infrastruktura, tikno nivel sastipaskiri protektiva, tikno nivelo edukacia thaj nakonskventno membripa an i politikani thaj sasti sfera.
Se legarel pe dži ki sastipaskiri sfera o Roma sikavel kaj isi len majbilačho karajkterizacia e satipaske so si majučo nivelo taro hronično nasvalipa, thaj majtikno standardi dživdipaske sar so si 10 berša potikno dživdipa aso aver populacia.
Pobuteder an o linko tari kerdi analiza thaj monitoringo:
