I estrada si pherdo Roma so folirinena pe! Slobodan Batjarević Cobe vakerel kote ni jekh nadznagja kaj si ov Rom kote korkoro vakergja kana ko 2007 bers giljavgja ko muzikakoro sou „Zvezde Grabda”. O Cobe akana majbut giljavela ko stranstvo, a akana sigende kana giljavgja ko Beograd vakergja kaj nadzanela soske pobaro numero oleskre kolege tari estrada garavena kaj si Roma.
– O Devel te arakhel kobor mle kolege folirinenea pe. O Dzej thaj me salde taro sa kolege javno vakeraja kaj siem Roma. Odoleske huljavav mi stadik e Dzejeske! – vakergja o Cobe thaj dophergja kaj si baro so si Rom: – Mi daj si but suzi romni. Oj si parni thaj nikana na bi vakerena kaj si oj Romani. Mo dat si hari pokalo teni. Te na vakerav sine korkoro kaj sium Rom, odova da nane te dzanen sine dzi kana!
