Sar so notirinel o Jankovic o raporti sikavela situacie tari perspektiva e dizutnengiri so nane forma calipaske thaj teleperavde si phure manusa, chave thaj terne, invalidetea persone, migrantia, Roma, preperutne taro LGBT jekhin, viktimia taro familiarno terori, thaj naprotektiva e manusikane hakoenge. Sa odola si teleperavdi kategoria manusa. O deputatia sar sa aver kherutne politicaria si suetaja , thaj nane an o hali te ikljoven taro ple suete thaj te konektirinen odova so kergja i them, o kanonia na implementirinen pe , tergjon salde ko lila thaj e themakere institucie masovno phagen o manusikane hakoa.
O opsrrvatori si realno kana vakerel kaj o dizutne si bizo suporto. De dikhlja pe i cipota Svamala kote e dizutnengere serutne organizirinen manusen fantomkencar thaj bagerencar peravena romane mahale ko Beograd. I policia na kamel te del suporto! Odoleske o dizutne hosinen pe nasiguritetno thaj daran pe dzivdipaske pe familiake soske protektiva taro them nane. Odoleske o opservatori e dizutnengoro na mangen le but ked avel ko Parlamenti.
