Sa o dizutne tari Srbia so nane len nevi elektronsko ID karta so isi len panda 3 masekoja te trampinen pe jali ka trubul te pukjinen globa.
O kanoni e ID kartaja vakerel kote i purani si valdino dži ko 31 dekemvri akava berš.
Sa o dizutne an i Srbia so isi len purani ID karta trubul personalno te džan ko policiakoro stasioni – ofiso. Faktea kote kon odola ofisia isi akana bro numero manuša te na sine len nevi biometrisko karta trubul te sigjaren. Okola so nane len nevi biometrisko karta palo nevo berš ka oven tretirime sar persone bizo dokumentia thaj ka trubul te pikjinen globa ko učipa taro 40 eura.
Liparibaske si kote ID karta trubul te ovel sakone dizutne so iksi le 16 berš thaj oj si validno 10 berša, salde o manuša so isi len pherde 65 berša olengiri ID karta si valdieteta sa vakteske.
Ko vakti kana dela pe aplikacia e neve UD kartake trubul te anel pe thaj i purani thaj dokumenti kaj si kerdotranskacia lovencar an o konto kote 7 eura an o dinarsko love ko konto taro NBS thaj 2 eura an o konto taro MAB Srbia.
