Taro 7.000 Roma so dživdinena an o Malme an i Švedska bizi buti si paše 70%, a 30% taro romane čhave ko akava švedsko centari trinto prekal o baripa na džana an i škola, aso o raporto taro komunakoro ofiso an o Malme havljaren e švediakere mediumia.
„Maškar 300 thaj 500 čhave raritetno jali saste na avena ki škola. Odova si paše 1/3 sa o romane čhave taro regiono ko Malme” vakerele i Brita Strom taro dizjakoro ofisi baši integracia.
Sar jekh taro šerutne faktoria kote isi odokhare Roma bizi buti an o Malme aso o ande konkluzie ko lipardo raporto akcentirinel o bilačho nivelo tari edukacia.
An i Švedia dživdinena preperutne taro buteder romane generacie , numa buteder olendar emigriringje tari Ost Europa angleder paše 20 – 30 berša.
I Švedsko them phravde kerel sine diskriminacia e Romen sa dži ko 1960 berša. Palo odova e Romen sine len niami te dživdinen ko jekh tan majbut trin kurke. Anglutne e romane čhavenge na sine mukhlo te džan ko švedsko škole.
