Ko vakti taro angloalusaribaskere kampanje an i Hrvatska sa pobuter vazdel pe o nivelo taro kerde anomalie. Nesave membria šubikerena kote sa pobuteder Romenge dela pe lenge opcia bašo šel kune te keren trampa an o identiteto.
Nesave romane aktivistiareagirinena kote an i Hrvatska isi paše 35-40 mile Roma, thaj isi dar kote na mangen te deklaririnen pe sar Roma.
Neko olendar deklaririnel pe prekal i religia, aver sar Bošnakia, muslimania jali Jugoslovenia.
Odova isi majbut an i Baranja. E Romen si len strateško dokumentia bašo olengere hakoa thaj nane len nisavo motivo te keren trampa an o identiteti, notirinen o romane membria.
Pučle si li odova pirano fenomeni thaj sar šaj panda asavko te kerel pe, ola vakerena kaj odova šaj ovel sebepi so ko paluno vakti sine notirime but atakia upral Romane khera thaj odoleske šaj mangen te trampinen plo identiteto.
