O Romano centari kulturake thaj arteske ofisea an o Kardif , Vels reslja granti taro 5.000 funte an o starti e ber[eske te keren rodaripa an i konekcia e Romencar thaj Travelia te arakhel pe lenge edukacia e čhavenge thaj ternenge.
Sar rezultati taro raporto anevkerdo sar ” Edukacia Roma thaj Travelia” akana si hazrkerdo plani te ovel majpašeste e lokalno legaripaske an o Vels hulavde ko štar regionalno konzorciumia thaj o Govermento an o Vels.
An o raporto so sine finansirime tari rig e “Big Lotaria” si le resarin te del suporto an i realizacia e politikenge thaj praktike ko lačharipa o dživdipa e čhavenge thaj ternenge so si an o Vels.
Keribaja lafi e raportoske o Isak Blake direktoro ko Roma kulturakoro thaj artekongoro cenbtari akcentiringja kote o čhave si “barvalipa”.
“Majbaro kotor olendar na resle te istemalkeren sa o instrumentia taro prioriteto te džan majodorig an i pli edukacia” akcentiringja ov.
“Amaro centari pakjal kaj o raportio ka del stimulacia e čačutne debatake ko zaruripa e aspiracienge e Romen thaj Travelin jekhina te del e ternenge thaj e čhavenge te istemalkeren i šansa taro akava lačhipa”
Link: http://travellerstimes.org.uk/News/New-report-on-education-launched-by-Gypsy-charity.aspx
