„But droma o manuša džanen plo hango “te bikinel” bašo 10 jali 20 eura, bašo “kilogarmi rumimo mas” thaj baši jekh kafa… si jekh taro but notirime faktia so sine vakerde ko debate kote grupa terne Roma – aktivistia organiziringje olen ko nekobor komune an i Makedonia, vakerdo si ko presi o Akif Kariman, jekh taro aktivistia e dizitnengere inicijativake “Romano hango” .
Ov vakerela kote ko nakhlo periodo i inicijativa startungja e kampanjaja ” Pobari jurisdikcia e Romenge” so phravdilo šajdipa e romane jekhinake an i republika Makedonia te notoronel baši aktiuelno politikani kriza thaj o romano hango te ovel šundo. Te šaj resel pe i resarin formirime si online veb-portali “Romano hango” so šaj te arakhen pe informacie taro anonimno dizutne , kolumne, eseia thaj aver so si konektirime akale problemea. Ko jekh formirime si lokalno timia taro šov dizja an i Makedonia so keren ternesko aktiviteti , notiringja o Kariman.
O aktivistia ko nakhlo periodi ikergja phravde debate an o Skopje, Štip, tetovo thaj Debar an i tema ” I politikani kriza an i makedonia thaj o Roma” . Ko akala debate than lele šel Roma thaj Romnja so sikavgje interesnio percepcia thaj gind ko okova so si sar anomalia an o themakoro sistemo ki percepcia taro tromale, fer,thaj demokratsko alusariba, so aso olende si taro korkro fundiriba e Makedoniake dži avdive. Ko debate sine notirime thaj kritike taro dizutne bašo olengoro hango kaj ni jekh na šunel ole, thaj ko jekh odova na šunen em o romane politikane membria- reperezntia.
Link: http://civil.org.mk/2016/08/29/romski-glas-da-n-s-prodava-glasot-za-kilogram-rasipano-mso/?lang=mk
