O nevehramosrade čhave ko maškarutne škole ko avgo divesa taro spetemvri ka den pe lenge kerde lilale slobodno legitimacie taro JSP.
Ko škole kote so hramosargje pe ka čhiven pe lengere fotografie thaj olencar šaj te keren transporti sasto masek, jali dži ko 30 septemvri dži kote i firma na kerel lenge o neve elektornsko personalizirime karte . O sikle taro dujto, trinto thaj šatro berš salde ka keren odblokiriba e personalno kartičkake so akava nilaj na sine len niami te istemalkeren olen.
„Kana o sikle ka len o lilale legitimacie ola ka čhiven pli fotografia a o škola ka trubul te bičhaven dži ki diz užardi lista anavea e siklemngoro so si hramosrade an i olengiri škola thaj adresa kote dživdinen thaj fotografia. Fundavno šarti si te šaj resel o siklo te lel personalizirimi elektronsko buseksiri kartica si te dživdinel majdur 2.5 kilometria tari škola.
Kana i diz ka del amen filtiriime lista amen ka kera elektronsko personalizirimi kartica fotografiaja taro o siklo thaj dži ko 20 septemvri ke da o karte dži ki škola” vakergja o Konstantin Tasevski , PR an o JSP.
Taro JSP vakeren aj i diz Skopje trubul te den olen filtririmi lista anavencar taro sikle so džana majodorig an i škola, te šaj o JSP te kerel odblokada e personalizirime karticenge so sine validetea dži ko 20 juni te šaj istemalkeren la taro starti e sikljojbaskere beršeske.
