Ko vakti taro agorutno ikerdi Video Konferencia tari Internacionalno Romani Unia IRU thaj i prezentacia e Programake thaj Strategiake taro deš formirime Komisie tari rig taro IRU so sine promovirime thaj anavkerde an i agorutni parlamentarno sesia an o Skopje ko juli 2016 berš, kote an i video Konferencia so ikergja pe ko 28 avgusti 2016 berš kote than lele 13 šefia e Komisienge an o IRU, sine dendi iniciativa so kergja pe diskusia ko avutnipasar importantno Romane dive ko Romano aktivizmo (8-to Aprilo, 2-to Avgusto thaj aver data) te del pe specialno ordeno -plaketa so ka legarel o anav akana mule pendžarde romane žurnalistoske thaj romano aktivisto o Valery Novoselsky. odova ordeno – plaketa ka legarel o anav taro akava pendžardo romano aktivisto ka del pe sar ekstra plaketa sako okoleske so ka kerel afirmacia vaš Romano žuranlizmo jali romano aktivizmo.
Akaja incijativa iklili barabutne taro rig e Prezidendnetske taro IRU o Zoran Dimov thaj šefi e Komisiake bašo Media thaj komunikacia IRU o Ramuš Muarem.
I iniciativa baripaja sine akceptirime taro sa o membria thaj delegatia an o IRU.
Ko sig vakti ka ovel formirimi Komisia thaj ofiso kote trubul te anel pe decizia kaske ko avutnipa ka del pe akava phursako sar individualno agjaar thaj grupno so ka sikven ekstra aktiviteto ko umalja taro romano žurnalizmo jali romano aktivizmo.
