O Lolo Kriso ko nakhle trin divesa dži ko majastarde bare panjencar reonia ko savateskoro kiameti distribuiringja 55 tonia pani, 5.500 paketia hajbaja (sako paketi si bašo 4 persone), 190 madracia, 356 deke (kebia) thaj 210 kilogramia šeja. Dende si 36 asistencie medicinakoro suporto.
Dži akana ko konto e Fondeske bašo solidariteto taro Lolo Kriso khedime si 84.000 euram a prekal telefonia 143 400 donirime si 130.000 eura thaj aver donacie taro kompanie paše 150.000 eura.
Ko deiba suporto ko regionia konektirime si 80 volonteria, efta mobilno timia baši medicinakoro suporto thaj aktivirime si sasto logistikano potenciali taro Lolo Kriso.
Aso o informacie taro tereni majbut trubul pani pijbasjke, konzervirimo haiba, haiba bebnge thaj pampersi, higienakere artiklia thaj dezinfekcia, lopate, gumeno čizme thaj rkuavice, kofe , baterisko lampe.
O donacie šaj anen pe ko magacinia taro Lolo Kriso ko Momin Potok thaj ki škola “Naum Naumovski Borče” taro 08:00 dži ko 18:00 saato.
