Sar notiriba ko 80 berš taro bianiba e Šaban Bajramović i tradicionalno uvertira ko Nišvil jazz festivali telal o anav: ” E Šabaneskere amala” thaj ka ovel duj divesa ko amfiteatar taro kej e ddzjake Niš ko 9 thaj 10 avgusto. Respekto e Šabaneske maškar o aver ka del le bendi taro Knin.
O saksafonisti thaj frontmeni e bendeske Veri Nais taro Niši, o Iva Barčič vakerela kote o bendi e giljaja” isi but Šabania” , kombinirinena balkansko muzika elementencar taro Jazz thaj Funk.
“Jek taro trin gilja ko repertora amaro si gilja taro Šaban an o amaro aranžmani kote i publika fenomenalno reagirinelka , i purani publika mangela amen, a e terne publika mangaja te sikava lenge akaja muzika te šunen o gilja taro Šaban an o aver aranžmani.”
Ov akcentirinela kote sar terno sine kana dikhlja e Šaban Bajramović thaj sine le bari loš thaj respekto so zapendžargja ole e thagare e romane muzikake.
O monumento taro Šaban si promovirime ko 2010 berš ko masek avgist . Autori sine o vajrari Vlada Ašanin, a donatoria e monumenteske sine o Goran Bregović, Emir Kustirica, Goran Paskaljević, Esma Redžepova, Ljubiša Samardžić thaj aver.
