Saranda Roma taro Balkani khuvgje ki katedrala ki germansko diz Regensburg rodibaja taro legaripa te šaj ačhon an i odoja them.
O migrantia taro Kosovo, Albania thaj Makedonia khuvgje ki katedrala panda ko 5 juli a ko protesteskere plakate so si lepime sakote an i diz hramosarela: ” Nane te čhinaven amen!”.
I katedrala so preperela e tromale pokrainake Bavaria sine okupirimi saste jekh kurko, sa dži kote i Katoličko khangiri akhargja e emigranten ekstra te thanjaren pe ko parohisko ofiso Sankt Emeram. Numa buteder olendar na mangen sine te ikljon tari katedrala , thaj salde 15 Roma šungje o apelia tari Regensburško biskupia.
Faisali e situaciake panda nane trujal so ko pašipa tari katedrala isi policia. Persi kurko sako dive sine mitingo o krizno štabo so sine ikerdo tari rog taro membria tari hangiri, i policia thaj ofisia baši siguriteti numa o faisali nane arakhlo.
I karana sar so akcentirinel i gazeta “Welt” si odova kaj o legaripa daral bašo siguriteto e imigrantengoro. Ola mangle te keren presia nekobordivesekere štrajkoja bokhalipaja . O membria tari hangiri vakerena kote desave emigrantia havljargje kaj ka tharen pe korkoro sar protesti. Odova anen decizia kaj šaj te ovel soske agjaar ka mukhen e čhaven bizi jeriengiri opservacia te oven telal i protektiva e themake.
