Ko apatinsko gav Sonta kote o dizutne si Srblie, Hrvatia, Ungarcia thaj Roma, šaj te šunel pe kote olengoro maškar dživdipa si lačho sa dži kote na heminel pe i politika thaj diferentno percepcia disave historikane faktia thaj persone.
Premal o lafia taro jekh gazda jekhe lokaleske o normalno manuša dživdinela sar sakote ki Srbia ni majlačhe, ni majbilačhe.
Ki avlin e lokaleske nikana na sine incidentia ki nacionalno funda. Ov vakerel kaj si Hrvati, numa oleste aven thaj Srblie, Ungarcia thaj Roma.. Sar so vakerela ko odova lokali organizirinen parti sako drom kote isi fešta ko keriba čorba, a palo odova savore hana, poena giljavena.
Ko agor taro 18 veko an i Sonta ale o Šokcia tari hercegovina, Bosna thaj Dalmacuia. Ola ko akava than si upreder 200 berša. Ola vakeren kote avdive 50% olendar si Šokcia tari hrvatska numa isi em Srblie, Roma thaj avera
Po desavo drom ka arakhel pe desavo ekstremisti jali nacionalisti . O dživdipa ko gav li lačhe, numa kana avel neko tari rigm taro aver gav džanena sa te ruminen. Bijangjovena neve generacie, bajrona parvarde nakamlipaja, kote ni ola korkoro nadžanena soske. Prekal o lafiataro gavutne an i Sonta i situacia nane odokhare alarmantno, numa trubul thaj reakcie ko vakti kana si ekcesi jali incidenti odova urgentno te regulirinel pe. “Sa si lačhe numa kana i politika heminel pe vasta” hulaven odoja maksima pobuter taro o dizutne ko akava apatinsko gav.
