O Roma si majbari thaj majteleperavdi popuilacia an i BiH. I situacia e Romencar ko akala thana nikana na sine lačhi, thaj ni avdive. O Roma majhari educirinen pe, majčorole si thaj bizi buti. Prekal o lafia taro Presidento tari Romani Unia e Romenge tari Republika Srpska o Saša Mašić o hali si kana o Akciono plania ko bukjarnipa e Romencar. O love so si dende odoleske, hardžime si bašo naRoma thaj socialno teleperavdi kategoria manuša te šaj startujnen plo mini biznis plani Sa o love si hardžime naplansko.
Fakti si kote i Komisia so hulavela akala love ki olate nane ni jekh romano membro thaj nane len informacia ko čače si Rom jali na thaj ko savo ekonomikano hali arakhel pe, notirinel o Mašić.
O akciono plani ki sastipaskiri protektiva e Romenge ki RS isi hari love thaj ola da hardžinen pe natransparentno . Apsurdi so kote o love so si hradžime baši imunizacia e romane čhavenge , thaj o aver dizutne i imunizacia si bilovengiri, odothar ikljola kote salde o roma pukjinen i imunizacia..
O love si dende ko konfrencie thaj praktike te sikaven e tikne romane čhaven sar te thoven pe danda thaj aver. O propozalo dendo tari Romani NGO Unia sine o love te den pe ko iljačia thaj pukjiba sastipaskere kontrole e hronično nasvale manušenge thaj phuredderenge numa o propozalo sine irame, thaj si kerdi bari napativ premal o Roma, vakerel o Mašić.
I situacia an i BiH si phari. E Romenge panda pophari thaj majodorig si viktimia e diskriminaciake majbut ko kotor taro butikeriba thaj aplikacia bukjake.
