Murš phuro 55 berš inicialencar V.M. erati paše ko 13:30 o časi pali čhingar thaj konflikto komunalno policajconcar mulo ko Vidiković kurko ko Beograd.
Sar so havljarel pe duj džene tari komunalno policia legitimiringje e manuše ko kurko. O manuš pukjinel sine sako masek renta e tezgake so bikinel sine odothe. I čhingar startujngja kana kotor tari roba iklili hari avrial taro normalno than bikinibaske, bašo tikne 10 santimetria vakerela jekh manuš so dikhlja o incidenti.
Sar so vakerena o manuša so dikhle o murš mulčo ko vakti tari čhingar e komunalno policiaja, taro infarkt, thaj kana reslja i medicinsko ekipa vordonea, o komunalno policajcia khuvgje ko aver vorda thaj gele peske odothar.
