Amaro muzikakoro talenti pohari, numa siguritetno resel o simpatie taro Balkani.
Erati rakjate o Mite Stoilkov reslja o jekhto than ko finale taro „ Pinkove zvezde“. Odolea amaro giljavutno reslja te kerel singl thaj albumi bašo „City records“, , a ko jekh ka dromarel baši Barselona. O Stoilkov kergja super atmosfera kana giljavgja i kultno “Zajdi, zajdi”.
-Nikana na giljavgjan pošukare taro akava, vakergja i Marina Tucaković, dži kote i Ceca komentiringja kaj odole giljajbaja irangja lake i memoria ko akana mulo Toše Proeski.
O Stoilkov ko finale sine e Jelena Džurič, so giljavgja i gili “Oro” tari Jelena Tomašević.
O Mite Stoilkov si čhavo taro pendžardo muzičari thaj vokali ki grupa “Ogneni Momčinja” , Goran Stoilkov. O Mite Stoilkov prekal o havljarina ka ovel specialno misafiri thaj ko 24-to tradicionalno manifestacia Mis Internacionalno Romani Majšuži Čhaj 2016 berš so ka ovel ko 13 juli ko Skopje ko hoteli Kontinetal.
Sar sine olskoro finalno giljajbe šaj dikhen akate.
Link: https://www.youtube.com/watch?v=_P4CRDeuoOY
