Erati ko mismeri trujal i len Vardar ko pašipa e sportsko halake “Boris Trajkovski” , notirime si baro dumano thaj jag kote resle 4 mujaljagakere vordona zorea te keren lokalizacia e jagake.
I jag buvljargovel sine but sigate thaj astargje kotor taro nalegalno romani improvizirimi mahala kote isi nekobor romane familie. Ko olengoro pašipa sine šuki čar thaj kašata, so kergja i bari jag te buvljargjovel thaj te astrel perimetari taro 4 dekaria than. Bahtake na sine ratvarde manuša.
Prekal o informacie si kote isi materialno ziani numa na baro thaj o karane sar uli akaja bari jag akanaske si napendđžarde, numa sar so ovel buteder droma, sar šerutno faktori si sako drom o -manušikano faktori.
You tube: https://www.youtube.com/watch?v=xqPaJpg-xmc
