I Vaska Jankovska , skopsko romani čhaj kote pe giljajbaja tinangja o sasto Balkani lungo berša napalal, kana giljavgja i “Herdelezi” taro Goran Bregović ko kultno filmi “Dom za vešanje” thaj taro odova momenti oj si ki oleskiri ekipa, akana palem vazdel plo krlo akava drom mujal o političaria an i them. Oj dengja mesaži ma te khelen pe e kolorea tari Koloritno revolucia , ma te keren pe čhave taro garteni thaj o prezidenti Gjorgi Ivanov aludiribaja so dengja dekreti baši abolicia.
„Saste 12 berša giljavav an okoncertia e Goranea thaj oleskoro “Orkestar biavenge thaj limorenge” . Sakote sukcesiale reprezentirinav i Makedonia ki sasti lumia, sine ma po 15o koncertia ko berš. Ko desave thema sine o manuiša nikana te na šungje baši Makedonia, a me me ilestar vakerav sine me themake . Numa akava akana so ovela an i mli them si ladžavipa! Kamav te bičhavav mesažo savorenge e političarenge te džanen kote si olengoro than, ma te khelen pe e naciaja thaj e farbencar. E prezidenteske te bičhavav mesažo te legarel čačutni politika thaj ma te khelel pe e naciaja. Ko momenti abolicirinela, ko momenti iranela i abolicia, thaj odova nane nikote an i lumia thaj Europa! – vakerel i Jankovska bašo Oj dopherel kaj o Bregović šukar džanel i političko situacia thaj poremal olate ov si but bibahtalo so ovel e naciaja. Panda ko 2001 berš vakergja te kinav apartmani an o Beograd numa me na šungjum le. Me pakjav kaj i situacia amende ka avel an i normala, soske ladžavp si angleder amende ki EU khuvgje i Bugaria thaj Romania. O političaria neka agorkeren ple diskusie thaj debate majsig soske i nacia valjani te dživdinel majlačho dživdipa, a na sar akava advive” – notirinel i Vaska.
O nekanutno membro an o bendi taro Bregović čhinavgja akanaske o koncertia angleder štar berša kana sine la trafikoskoro incidenti an i Grcia, iranibaja taro jekh koncerti. Taro baro šok kana o vordon khuvgja ko jekh kamioni našavgja plo krlo. Pali lungo terapia o krlo palem irangja pe lake, numa akana giljavel salde ko performansi “Karmen”.
Link: http://fokus.mk/jankovska-pridruzhen-vokal-na-bregovik-goran-e-zagrizhen-za-makedonskiot-narod/
