I romani aktivistka Nada Gjuričković (54) si jekh taro buteder romnja so sine lenge kerdo seksualno atako, numa jekh taro raritetno so asavko bilačhipa reslja te kerel lačhipa, te šaj aver te ikaven lačhipa. Oj thaj nekobor aver Romanja fundiringje o Romano centari bašo džuvlja thaj čhave (DAJE) kote taro 2009 berš del suporto e džuvlenge so sine len seksualno atako. Ko terne berša , trujal so sium Romani me na dživdinav sine an i romani jekhin. Odova kergja holi mašpkar desave Roma thaj sar čhavoro kergje mange seksualno atako an o Zemun Polje kote so dživdinava sine. Ko odova than te kerel pe seksualno atako upral desavi dživli sine sar epidemia thaj normalno buti, thaj ni jekh na tromala sine te kerel mujal odova.
Numa kana barilem khedingjam amen thaj formiringjem o Romano centro bašo čhave thaj džuvlja DAJE , so si an o koncepti e netvorkoske ” O džuvlja mujal o terori” – akcentirinela i Nada.
I Nada si mukhli taro rom, thaj isi la 26 beršengoro čhavo. so akana sigate ka prandinel pe thaj si but gravsiali oleste, sar so vakerela soske si lačho karakteri. ” Ov barilo mancar thaj odova dikhela pe, sar dikhel o situacie, sar del konsilo pe amalenge thaj majpašenge. Ov dela lačhe lafia an i konekcia e džuvlencar thaj respekti mujal olencar.
Ov ka ovel šukar manuš. Sar so vakerela kana ka prandinel pe ka vakerel leske jekh lafi: ” respektirin te romnja thaj te mangela sako drom”.
Link:
