Prekal o informacie tari HDZR “Mesečina” Gostivar , o sikle taro 3 -to kalsi an i škola ” Edinstvo, Baškimi, Birlik” – Gostivar , sine segregirime (hulavde ko aver siklane) upral funda etnikano preperutnipa.
Odoleske i Dekadno Kontakt Punkto – Makedonia bičhavgja pli reakcia thaj nekobor pučiba dži ko direktori e školake o Mersel Sadiku. dži ko Direktori e DPI Nadica Nikoloska thaj dži ko Direktoro taro ofiso e progreseske ko ćhibja e jekhinenge an i Republika Makedonia Redžep Ali Čupi.
An i reakcia tergjol:
Amen džanaja kote o Romane čhave ko 3-to klasi tari škola Edinstvo, Baškimi, Birlik” – Gostivar sikljoven an i makedonikani paralelka , barabutne e makedonsko čhavencar , thaj but si čudno o fakti te kerel pe hulavipa – segregacia upral etnikani funda kote premal amende thaj o kanonia an i republika Makedonia si namukhlo thaj diskriminatorsko
O naformalno netvorko anavkerdo sar “Dekadno Kontakt Punkto” (DKP) – Makedonia ikerdi taro 17 Romane NGO taro diferentno dizja an i Republika Makedonia, pučela?
1. Si li i Fundavno škola ” Edinstvo, Baškimi, Birlik” – Gostivar, reslja dekreto sertifikato taro Ministeriumi baši edukacia dži kote kerel pe lafi bašo metodološko nivelo jali eksperimentalno forma tari implementacia e edukaciake thaj khedipa informacie. (dži kote isi dekreto te šaj sikaven ole).
2. Si li akava metodološko avipa jali eksperimentalno forma tari edukacia jali khedipa informacie si lčendo akreditacia thaj taro Školakoro ofiso.
Vakeraja kote amen siem zainteresirime bašo o karane thaj i forma sar ulo odova te hulaven pe – segregirinen (ko ekstra siklane) sikle upral i fund ataroetnikano preperutnipa
Na mangaja te pakja kaj akav asi metodološko forma soske odova si teleperaviba e fundavno niamenge thaj direktno diskriminacia, jali si eksperimentalno forma te kerel pe edukacia, jali gemneririba informacie e čhavenge so si ko baripa taro 8 jali 9 berša tegani odova si akti kriseske soske nane rodimo mukhiba taro jeria , soske o čhave nane ko šajdipa racionalno te haven o džovaplipa thaj i niamia.
Te sine lafi sar so si notirime upreder ko teksti amen sar “Dekadno Kontakt Punkto” (DTK) – Makedonia, so si ikerdi taro 17 Romane NGO taro diferentno dizja an i Makedonia zorale krisinaja o akti thaj akharaja o institucie te keren kanonikane aktia odole akteske – tergjol an i reakcia tari DKP.
