E Europakoro Kriso manušikane niamenge rodel tari Romania te čhanavel daravina paldibaske e Romenge vakerel pe ki vaktavin taro Europakoro centari niamenge e Romenge – ECPR
O Roma so akana dživdinen an o kontejneria an i periferia an i diz Eforie an u utarali Romani , numa o lokalno legaripa bičhavel darabvina kaj ka oven paldime sebepi so si borčlie.
Akaja si seria taro trin paldina so startujngja panda an o oktomvri 2013 berš kana 100 Roma sine paldime taro ple khera an i diz Eforie, kana peravgje olengere khera. Mukhle sine bizo khera thaj dengje olen alternativno thanjariba an i jekh mukhli škola. Numa odothe na čhinavgje olengere problemia. Ko 2014 berš palem sine paldime ki jekh mahala an i periferia e dizjake.
“Olenge ko augusto 2015 berš resle lenge o esapina baši hardžimi elektrika thaj pani , numa odola borčia našti pukjinen len. Anglutne alo lenge raporto taro lokalno legaripa kaj ka oven paldime taro odova than” vakerel pe an i vaktavin e ECPR.
Akala Roma akana arakhen pe panda jekhe paldibaja, dislokacia thaj nane lenge mukhlo alternativno than dživdipaske, kote akava kurko e Europakoro Kriso kergja reakcia thaj angja decizia te stopirinel pe i sasti procedfura.
O Govermento an i Romania trubul o kurko so avela te anel faisali bašo alaka romani jekhin.
