I Jovanka Mujić tari Holandia našavdili nekobor divesa anglal o Nevo berš taro familiarno kher an i Sremska Mitrovica kote ali an i vizita pe paše familiake. Taro odova momenti rodena la thaj nane rezultatia.
I Jovanka si daj taro 6 čhave ali pe romea thaj e čhavencar an i vizita pe dajake thaj karana sine o bijav taro majbaro čhavo tari Jovanka.
“Javinate ko 24 dekemvri kana uštilem diklem kaj i Jiovanka nane akate. Rodaja la sine nekobor saatia thaj an i panika havljargjem an i policia kaj našavdili”
I familia Mujić tari Sremska Mitrovica gele an i holandsko diz Til but berša napalal thaj sine len holandiakoro themutnipa.
Angleder desave berša ola gele te dživdinen an i Britania ki diz Korzbi kote keren sine buti an o lokalno kurko kote sine len nekobor tezge emišea. Avena sine thaj podisavo drom khere an i Srbia , a akava dekemvri alem sebepi o bijav taro majphuro 21 beršengoro čhavo.
– I familia palo našavipa tari Jovanka lelja privat detektivsko agencia so džđanel i sasti situacia. Prekal i procedura majanglal sine ispitime i paše familia, rodena sine o than dži kote te sine mudardi ma te ovel parumi an o desavo than. Numa nane asavke indicie.
Ko akava našavipa sat alarmi si kaj olakere dokumentia ačhile an o kher, thaj nane šanse te ikljol bizo dokumentia avrial tari Srbia., numa palem sine informirime o simantre te kontorlirinen o nakhiba te šaj registririnen asavki čipota.
Ko akala trin masekoja našavipa tari Jovanka Mujić i policia thaj i familia detalno rodingje sasto Sremska Mitrovica kote si o kher tari familia Mujić. Trujal odova rodingje thaj i len Sava bibahtake te na peli ko panja thaj te ovel mudardi thaj frdimo olakoro trupo.
Link : http://www.vesti-online.com/Vesti/Hronika/126361/Nestala-Srpkinja-iz-Holandije
