O makedonsko pasporti si ko 46 than rangirimo maškar 199 thema prekal vizno limitiriba sakone themake. Premal i tradicionalno rang lista e amerikansko konsultatvno firma
(Henley & Partners) an o jekhto than si i Germania, Bari Britania, Finska, Švedska thaj USA.
I amerikansko kompania akaja analiza kerel la pobut taro 10 berša Paralelaja persi berš i Makedonia si jekh than majupre. Makedonsko pasportea bizi viza šaj te dromarel pe ko 107 thema . Taro paše thema anglal i Makedonia pe pasportencar si i Grcia (7 than ), Slovenia – 11 than, Bugaria – 18 than, Hrvatska – 22 than thaj i Srbia 43 than. Pali amende an i rang lista e pasportencar si i Crna Gora, Rusia, Bosna thaj Hercegovina, Turkia, Albania.. Germansko pasportea šaj te dromarel pe ko 177 thema an i lumia bizi viza. Majtele ki rang lista an i tabela e pasportencar si Siria, Pakistan, Somalia, Irak thaj Avganistan.
Makedonsko pasportea , maškar o aver thema, viza trebela thaj e Bare Britaniake, Irska, Kanada, USA.
