I Portugalska Leonor Teles si majterno režiseri so reslja o filmsko phursako “Somnakaeskiri mečka” bašo tikno filmi an o Berlinale. Akava si duplo sukcesi e filmeske ” Balada Batrahian” so šarmiringja e žiri e festivaleskoro so dengja akaja baro phursako thaj ko jekh i publika ovaciencar seljaminkergja akaja decizia
” But angleder anglal o manuša te oven barabutne sa o aver dživdinen sine tromale thaj funkcionirinen sine jekh avereske”. ” Sa o džanvaria khelena sine thaj sine bahtale . Salde jekh olendar na sine akhardo an o utsavalipa – i žamba. Ki pli holi i žamba mudargja pe korkoro.
” Asavko ovela thaj maškar o Roma thaj o žambe. thaj nane te oven notirime. Ko olakoro filmi o terno režiseri Leonor Teles kerel storia e Romenge an i Portugalia. Našti te ovel pasivno opservatori i Teles anel decizia te lel o pozicie. Sar trinto funda konektirinela aktivno arti thaj performansi so kerel integracia ani filmsko storia. Oj transfirmirinela o moto ” Jekh drom but angleder” an o “isi” “Palo odova nane te ovel sar so sine thaj i melodia dživdipaske ka ovel irami” vakerel ko jekh hango
I geneza an i Balada Batrahian ulo kana havgjum jekh fakti – portugalsko tradicia taro čhijbe keramičko žambe ko udara taro restorantia thaj aver komercialno objektia te šaj arakhel olen te našti avena o Roma. Prekal akaja plesutni storia an o rudniko mangljum te iranav i sama e bare tendenciake tari pakjiv an i purani tradicia prema o manušikano subjekto.
I leonor Teles si biami 1992 berš an i Vila Franca de Xira an i Portugalia kote olakiri familia isi la darhinalipa taro lokalno jekhin Roma. Diplomiringja an o Lisabon an i Nacionalno filmsko škola ko 2013 berš – sektor kinematografia thaj režia, magistriringja an i audiovizuelno thaj multimedialno sektori. ko 2015 berš. Olakoro angloagorutno filmi Rhoma Acans an o 2013 berš sine sikavdo thaj phursarkerdo ko nekobor filmsko festivalia sar so si o Clermont – Feran MFF, Minhen IFFS, FICUNAM, IndieLisboa MFF, Curtas de Vila do Conde thaj aver festivalia An o momenti i Leonar kerel buti ko dokumentarno filmia thaj an i kinematografia.
Pobut an o linko : http://www.filmfestivals.com/blog/berlin/leonor_teles_is_the_youngest_director_ever_to_win_the_golden_bear
