Prekal i agorutni statistikani operwacia an i Hrvatska isi 17.000 Roma, numa o numero si duplo majbaro.
O majbaro europakoro minjoriteti an i Europa si, numa pli them nane olen. Živdinen ko baro čorolipa thaj nadekvatno nivelo. Jekvaš taro romane famile nane len than nangjaribaske thaj pani pijbaske. Nane len ni bari edukacia.
Ki fundavno škola ki Hrvatska džana 5.400 romane čhave. Ki maškarutni škola džana phareste ekvaš olendar. Ko univerzitetia ki sasti Hrvatska isi 29 Roma- studentia.
“Nane amne informacia kobor olendar agorkeren o studie, numa sikaven pe informacie ko sako 3-4 berša kaj jekh rom – studenti agorkerel po fakulteti, numa ni odole jekhe univerzitetsko educirimo rom, našti arkha leske buti” notirinel o NGO sektori an i Hrvatska
I Jasmina Papa legarutni ko programa taro UNDP an i Hrvatska vakerel kaj o Roma an i Hrvatska si telel diskriminacia thahj semitizmi. Odoleske phareste khuven an i buti. O sakodivesa an i Hrvatska e Romenge si but phare thaj nakhel ko maripa mujal i diskriminacia thaj egzistencia. Dži kana agjaar ni jekh nane le džovapi.
