Prekal došperavipaskoro akti o Musa akcentirinen kaj sikavel ple sledbenikon kaj odoja si devleskiri akharin sako muslimaneske te keren maripa agjaar anvkerde kalifateske, thaj akahrela len te keren majbut e egjaar anvkerde Islamsko themake. Ov anglutne sine telal o anava Angel Stojanov, thaj kana gelo peske tari Bugaria te kerel buti an ui Viena ko 1990 berš tegani nakhlja ko Islam.
Ov gelo ki odoja radiklano forma e Islameske an o Keln, Germania kote kergja kontaktia e turkiakere esktremistikani grupa “Kalifaatsstat”, a palo iraniba an i Bugaria , startujngja bukjaja ko Purab sar anavkerdo “imami”.
O islamsko fundamentalistia keren zori te istemalkeren i situacia e čorole rRomencar an o Balkani thaj i radikalno pozicia ki agjaar anvkerdi Islamsko them thaj aktivno te aven an i olende.
I majmangli destinacia e Islamsko themake sar egzampli i Bugaria them kote isi majbari muslimansko populacia an i Europa, notirinel pe kote 145 taro dizutne si ola. Persi nilaj o lideri e salafastengoro ko Purab , Ahmed Musa sine astardo an i diz Pazardžik ki Bugaria.
