Ko palokurko – ponedelnik ko drom Butelski venec ki komuna Šuto Orizari paše ko 18:30 o saati thabilo panda jekh kher.
I jag astargja o o podrumsko prostorie, thaj bahtake sine lokalizirimo ko sig vakti. I jag majanglal dikhlja la o gazda e khereske, thaj pali akahrdi arka ale aver da Roma thaj sigate lokaliziringje i jag taro podrumsko prostorie ma te bajrol ko upruno kotor e khereske. Odova kotor e khereskoro si than kote so dživdinel i familia Memet.
Kerdo si salde materialno zijani thaj akana locirinel pe i karana sostar uli akaja bari jag. Inče i intervencija tari mujaljagakiri ekipa pe vordencar reslja sig bašo 10 minutia, thaj lokaliziringje i resto jag so sine ko podrumsko prostorie.
Ko akava periodi e beršeske, but si baro riziko taro bare jaga, thaj bičhavel pe apel dži o sa o dizutne te iranen i sama sar istemalkeren i elektrikani energia, thaj sar tharena i jag ko ple khera.
