O procesi si dikhlo sar kotor taro čačipa thaj tromalipa em jekhipa an o Kosovo.
Ko pandžtodi o Holandsko Govermenti, akcentiringja kaj ka formirinel ekstra tribunali an o Hag so ka legarel kriminalno akti mujal o kerde aktia tari rig taro UČK upral o srpsko minjoriteti. O tribunali ka ovel pendžardo prekal o anav sar Kosovakiri relocirimi kriseskiri institucia , kote internacionalno adalatia ka implementirinen e Kosovakere kanonia.
O aktia ka oven fundirime tari rig taro EU. O butikeripa e tribunalea ka ovel sar propozalo thaj šarti o Kosovo ko pregovoria e EU-ea baši integracia thaj okola so ka oven havljarde sar došale ka oven phanle an o Kosovo.
O UČK si albansko gerila so marel pe sine mujal o JNA taro 1998 -1999 berš ko Kosov, kote so sine pobuter taro 10.000 viktimia. O NATO kergja intervencia ko 1999 berš kote ko 11 kurkengere havaeskere atakia kote teloikeren sine e UČK sar džovapi ko kerde masakria upral etnikano albanikano dizutne. O tribunali ka kerel fokusi upral o terori mujal etnikane Srblie thaj Roma civilia, thaj upral olengere kulturakere memoralia.
O aktia kerde si prekal o ande decizie ko juli 2014 berš palo trin beršengoro rodaripa taro EU so keren mujal govermentia taro dende raportia taro Konsili e Europakoro o Dik Marti. E Europakoro obdusmani dikhlja “relevantno indikacie” kaj o UČK mudargja Srblie thaj Romen, bikingja olengere organia nalegalno ko vakti emaripaske 1998-1999 berš. O amerikakoro obdusmani Džon Klint Viliamson vakerel kaj si le faktia so kerdo si odova bikiniba e organencar so sine sar sistemsko praktika.
I etnikani eliminacia taro Roma thaj Srblie sien pobut droma. O premieri Hašim Tači si ex membro an o UČK, thaj irangja sa o šubikerina, thaj okova kaj bikinel sine organia. O Kosovo havljargja plo biathinalipa ko 2008 berš kote reslja taro 23 thema taro barabutne 28 thema membria an o EU
