Ko 13. Decembro 1992 berš, o signali taro BTR – Nacional sine angluno drom emitirimo ko medijakere vazdipa ki Republika Makedonia. Anglunes sar radio, pala kodo avla ande televizia peske 24 chasia programa.
Oj sine i angluni romani media an-i lumia so sine la pli saste diveseskiri programa. Berśa maj palal, odova medium barilo an-o jekh pendžardo TV-esko kher leskere programajar taro sa e profilia – informativno, kulturno, muzika thaj edukacia.
Ko odova periodi, TV BTR-Nacional učhargja pe maškar o anglune medije an o them, thaj ko dikhiba taro piro dikhibe, so, bizi te oven Roma, sine dikhle taro sa o nacionalitetia.
Jekh dekada palo odova, BTR-Nacional TV gelo jekh nivelo po upre thaj sine angluno romano mediumi ko sateliti piro programo
Pe sa akala bersha, TV BTR-National sine autori vash but programesko paketi thay milje saatia vash TV, dokumentarno thay filmesko programi vash savore profilia.
Vi avdive, o BTR TV mukhlja jekh na-hasaripnaski marka pe publika, savi inke bistrel kodo periodo nostalgijasa.
Aver rig, ko nevo periodi TV BTR – Prekal piri Super Produkcia BTR – SP BTR gelo dureder e produkciake aktivitetencar thaj registracia e dokumentarno filmencar. Ano palune bersha, ov sine relevantno e neve dokumentarno produktencar prelimome ko filmi, sar so si “Lokalno Heroia – Lumiakere Talentia” “O dživdipe pe droma” sar em o filmi baši historija, origina, čhib thaj kultura e Romenge “Del, Rota Phuv”
O maj meritori e suksesosko reslo katar maj but de 500 butjarne save phirenas prekal kodi televizia si lesko fundatori thaj gazda Zoran Dimov, savo, bi ćaćes, si vi lesko bijandipasko dives ko 13 Decembro. Te ovel tumen bahtale em o duj bijande dive!!
