“Lulugjakoro tanci” si proekti tari polsko romani jekhin so dživdinel an i Škotska te šaj ikavel o stereotipia so si an o škotsko dizutne premal i romani jekhin. Sako kurko an i khangiri an o Glazgov jekh interesno grupa taro tancarke telal o anav “Čerenja” keren tanc performansi kote an o tradicionalno romani garderoba sikavel i romani kultura thaj tradicia so si an i akaja them, so si lungo 1000 berša. Ki grupa isi 10 džuvlja, a i hala si sako drom pherdi. I koreokrafka trhaj legarutni e grupake i Mania Mihalević vakerela: ” I muzika užarel o ilo. Oj si sar lačho lufti.Odova kerel amen panda majdživde. Odova kerel amen bahtale”.
I grupa si sa paše familia, phenja, poti, bojra. Ola prekal plo performansi anen majpaše e škotlangjanenge ki konekcia o čačutno modaliteti, kultura, tradicia e Romenge tari Škotska. Sar so vakeren ola agjaar peraven o bariere thaj stereotipia so isi ko Škotlangjania premal i romani jekhin ki akaja them. Sar so vakeren ola akaja si jekh lačhi šuži buti so kerena.
Pobut ko linko: http://www.dailyrecord.co.uk/news/real-life/if-you-say-youre-gypsy-7181977#fXewEdRAiM9wp1OF.97
