O 53 beršengoro Ismet Safić Rom tari Zenica , so angleder 20 berša pe dijaja thaj duj phralencar gelo peske taro gav Šipovo, sakodive bilovengoro užarel i diz sar so vakerel so primingjale thaj kergja leske sajgija. E Ismete an i Zenica džanen le savore. Ko sako momenti e diveseske ko dive thaj rakja phirel ko droma tari Zenica khedel o gunok so frden o aver dizutne. Pendžaren le em phure em terne. O khedimo gunoj palo odova legarel ko kentejneria Odole bukjake ni jekh na del le love. Odova kerel le soske mangela i diz Zenica kote si pobut taro duj decenuie.
Trujal so nane le panda nisavi buti . Ov thaj oleskiri familia ni jekh na kerel buti. Den ole arka manuša humano, numa sebepi o ekonomsko standardi an i Bosna, ola si hari manuša.
” An i Zenica dživdinav me dajaj, thaj e duj phralencar. Arakav o trujalipa užarav akaja šuži diz. Mangav e Zenica, soske prifatingja ma thaj kergja mange sajgia” – notirinel o Ismeti
Ov tari biami Šipovo alo an i Zenica ko 1993 berš kana sine o maripa an i Bosna.
Te iranel pe palem ko Šipovo na mangel. ” Te iranav man odothe našti, soske odothe sa mange tharo thaj ziankerdo. An i Zenica sium ko kolektivno centro, thaj na pukjinav ni elektrika, ni pani, den man hajbaske” – vakerel o Ismet thaj akcentirinel kaj si čalo odolea da, thaj majodorig sar gesti baši šukrikerin, ka užarel o droma tari Zenica bilovengoro.
