E dizjakoro delegato an o Konsilo an i diz Milano o rajo Graneli avdive vakergja kaj i dislokacia e 20 romane familenge taro kampi Via Idro si stopirime soske rodel pe faisali e lokaciake , so ka arakhel pe ko anglo nilai. Trujal so o dendo avgo plani o roma tari Via Idro kategorično irangje ole.
Odoleske premal o lafia taro Graneli ka udžarel pe palo jevend ka arakhel pe javer solucia, a dži tegani i decizia ka ovel stopirimi.
Ko jekh ko maškar vakti dži e dizjakoro šerutno e komunake Milano o rajo Džulijano Pisapia bičhavdo si lil taro čhave tari škola kote džana o romane čhave ki konekcia taro kampi Via Idro te šaj ačhon odothe ki olengiri škola thaj lačhe si kana savore barabutne ka sikljoven
Tele ki signatura e lileske tergjon o anava taro čhave tari odoja škola so si amala e romane čhavencar so džan an i odoja škola a si taro romano kampi Via Idro.
O amal si: Sašmita, Aleksandar, Margaret, Juni Ži, Žoele, Sara, Sagar, David, Gaja, Biva, Pavle, Dian, Nika, Sunane, Klajd, Jusef, Vordžinuia, Marim, Muhamed, Stara, Artur, Nikol, Kristofer.
