O hramosariba ko matično lila biandenge sar anglošarti si integracia thaj avipa dži o fundavno niamia e manušeske sar so si: themutnipa, edukacia, sastipa, thaj bukjarnipa. Ko kantoni Tuzla nane panda baza evidenciake taro biame romane čhave.
Te šaj avel pe dži odola niamia o romano NGO sektori akcentirinen bizo odova si našavipa e šartenge.
Odoleske i them lelja i savala te kerel evidencia e biame čhavenge. Prekal o informacie taro Themakoro sektori informirinel kaj an o thavdipa e 2015 berš an i diz Tuzla bijame si 134 romane čhave thaj si evdientirime an o lila 40 romane čhave ki ničali procedura, 42 angli naničali procedura palo nakhlo oficialno roko thaj 50 čhave hramosarde pali intervencia taro romano NGO sektori thaj i kancalaria taro UNHCR.
Te šaj jekh romani familia te evidentirinel ple čhave an o lila bianibaskere trubul te den, krštenica, themutnipa, fotokopia lično karta, venčanica te sine an i prandin, dokumenti kaj bešel. Trujal odova sastipaskiri institucia dela sertifikato so trubul te ovel garancia e bijame čhaveske, thaj te ovel odova sa validno.
