Štar romane familie taro saraevsko mahala Gorica resle neve aprtmania kote ka dživdinen a si kerde prekal o prowekti ” Akcia Roma” so si finasirimi tari EU.
Kerel pe lafi proekteske so del socio-ekonomsko inkluzia e Romane populaciake an i Bosna thaj Hercegovina. Trujal o Saraevo telal akava proekti nevikerde si khera an o 14 dizja thaj 149 apartmania O proekti si učipaja taro 2.5 milionia eura.
Akanaske akala 4 aprtmania an o Saraevo resle o romane familie tari Sanela Pašić, Kasim Zahirović, Mirela Buhać thaj Haris Hasanović.
O duj čhave tari Minela Zahirovič taro akana sar so vakerela ka ovel olen šajdipa te dživdinen ko but majlačhe šartia.
“Dživdina sine ko purano kher, bizo fundavno šartia, socialno siguriteti thaj odoleske reslem dži akava aprtmani. O apartmani si fenomenalno thaj lačhe dživdipaske” vakergja i romni Zahirovič.
Sa o štar dende neve apartmania si jekh a jekh kvadraturaja, ko duj etažia thaj baripaja taro 54 m2, thaj si lačhe tamikerde.
