Erati palo 15 o saati ko familiarno kher ko Dračevo, ki montaža plinsko takjaripaskiri boca alo dži ki eksplozia, kote buvlili bari jag astarde sine duj khera, thabilo o tavani thaj kotor taro teluno objekto.
Ko momenti tari eksplozia ko kher sine manuša tari familia, so sine ratavrde ko vakti tari eksplozia. Prekal o informacie ko than e jagake alei mujaljagakere vordona so lokaliziringje i jag ma te buvljol majodorig. O ratavrde thaj o thare sine legarde ko hospitali bašo hiruške intervencie “Sv. Naum Ohridski” an o Skopje.
Taro informacie an i eksplozia sine ratvarde 9 persone. Štar olendar sine kerde hiruške intervencie. Numa o aver 5 pacientia si telel opservacia e sastipaske soske o ratvarina si phare karakterea, thaj si šajdutne komplikacie ko periodi so avela. Majkritično olendar si džuvli kote si la thare thana ko trupo upreder 60% thaj si čhivdi ko aparatia sebepi ratavrina ko parne bukje thaj dišibaskere droma.
O štar ratavrde si len thare thana ko trupo 15 dži ko 20% kerel pe lafi bašo thare thana an o muj, vasta thaj čanga.
