Thavdel i diskriminacia thaj phagiba fundavno niamia an i Italia. Agorutno asavko incidenti ulo akala divesa , kana i komuna Milano an i Italia angja decizia te palden 20 romane familie taro kvarti Idro an o Milano.
O familie keren reakcia soske odothe dživdinen pobut taro 30 berša. Ola si lačheste konektirime thaj socializirime pe komšiencar thaj o trujalipa, a o čhave si integririme , džana an i škola thaj si integririme an o sasoitnipa. Ola na džanen soske si andi akaja decizia, kote kava si akto pervael olengere fundavno manušikane niamia, an o edukacia, sastipa thaj aver.
Sar alternativa i komuna Milano dela thanjariba an o socialno kontejneria so si bare 12 – 15 m2 kote ka bešen 4-5 thaj pobut džene tari jekh familia. Ola vakeren kaj i komuna Milano notiringja odova thanjariba si taro limitirimo karakteri, numa o Roma džanen kaj nane te ovel odova agjaar.
Ola bičhaven apelo thaj rodaripa dži o relevantno institucie te čhinavel pe akaja decizia tari diz Milano thaj odolea ka ovel majlačhe dživdipa e Romane familienge.
