O germansko legaripa tari diz Turingen deportiringja 63 makedonosko themutnen maškar so thaj jekh deš masekongoro čhavo. Olende angleder sine irame o rodaripa bašo azili , kote prekal olengiri decizia. i Makedonia si an i lista taro siguritetno them.
O deportirime majbut si taro kumnaovakoro reoni. An i akcia than lel 187 policajcia, kote khuvgje ko khera kote dživdinen sine o azilantia, thaj khuvgje ko rakjakerese saatia.
Akaja sine majmasovno akcia deportiribaske an o Turingen. Ko nakhle duj divesasine deportirime 306 azilantia so reslja lenge negativ. Udžarel pe ko akala divesa te oven deportirime panda 600 azilantia.
E policiakere akcie sine udžarde zorale kritikencar thaj reakcia taro opozicisko partie, kote premal olende “I Makedonia si an i lista taro siguritetno thema, numa odova na sikavel kaj akale manušen si len perspektiva odothe”.
