Tari akahrin ko Ministeriumi andrune bukjengje persi berš havljargje pe 486 persone, kote vakeren kaj nane len themutnipa – državjanstvo tari ni jekh tehm. Majbut olendars sine tari Podgorica thaj Berane, a majhari an o Bjelo Polje thaj Kolašin.
Odova sikavel i analiza so si kerdi kobor apatridia (persone so nane len themutnipa ni jekhe thematar). Numa akaja lista nane definirimi. Tari kerdi analiza upral akala havljarde 486 persone, ko efta si len desavi konekcia themutnipaja, thaj ko 42 džene si ko proceso te lel pe themutnipa tari Crna Gora. Taro barabutne 486 persone majbut si taro Kosovo – 240, a olendar 221 nane len notirime thanjaripa thaj registracia an i Crna Gora.
O rapoirti so dena notirinen kaj trujal so o MAB, NGO, thaj UNHCR kerel zori, o korkoro manuša apatridia individualno si but pasivno akale problemeske.
Trubul te keren pe neve motiviribaskere kampanje thaj aktivitetia premal okoja majriziko grupa (čhave, phure, Roma, Aškalie thaj aver) so si majbaro targeti sar apartridia.
